Largoni njollat në xhamin e kabinës së dushit për pesë minuta duke përdorur këtë produkt

Asgjë nuk është më zhgënjyese sesa të pastroni një xham dushi dhe më pas të zbuloni se ende ka njolla dhe mbetje kur hyni përsëri në banjo.

Xhami i dushit mund të mbajë mbetje sapuni, lagështie dhe gëlqereje, të cilat me kalimin e kohës krijojnë njolla të forta që janë të vështira për t’u hequr pa produktin e duhur.

Megjithatë, pastruesit profesionistë të Flair Showers kanë ndarë një zgjidhje të thjeshtë dhe ekonomike, që nuk kërkon përdorimin e produkteve komerciale të pastrimit – gjithçka që ju nevojitet është një limon.

Ata shpjegojnë: “Pastrimi me një limon të thjeshtë është një mënyrë shumë efektive për të hequr mbetjet e sapunit dhe njollat nga uji i fortë. Acidi citrik që përmban limoni ndihmon në shpërbërjen e këtyre mbetjeve”.

Lëngu i limonit është jashtëzakonisht efektiv për pastrimin e xhamit, pasi acidi citrik ndihmon në eliminimin e baktereve dhe zbutjen e njollave, duke i bërë ato më të lehta për t’u fshirë.

Mjafton të ndani një limon në mes dhe ta fërkoni me lëvizje rrethore në të gjithë sipërfaqen e xhamit.

Pasi të keni përfunduar, lëreni lëngun e limonit të qëndrojë mbi xham për të paktën pesë minuta, në mënyrë që të ketë kohë të mjaftueshme për të shpërbërë gëlqeren dhe papastërtitë.

Në fund, shpëlajeni xhamin me ujë të pastër dhe fshijeni me një leckë mikrofibër ose me një shpatull pastrimi (squeegee), dhe do të përfitoni një pasqyrë të pastër dhe shkëlqyese.